影片
更多
2021-08-26
460 浏览
朋友之前同我推介过「胡炉」嘅火锅好正，但睇餐牌好似好贵咁😣，因为系单点。不过最近尖沙咀H8店推出半放题，闲日食计返都系三百几蚊一位，绝对系令人心动一试嘅价钱。餐厅嘅半放题包括自选一款煲底、至尊拼盘(即当中嘅食材不设任点)以及超过三十款可供任点嘅火锅料。🥢正价时段食每人收费$298，星期五、六同公众假期加$30，另收加一服务费同酱油费$8。如果要埋饮品放题，每位额外比多$38。当拣完煲底后，至尊拼盘嘅食材亦会一并送上，基本上未嗌任食嘅部份都已经饱咗七成，非常丰富😍。煲底有得拣，例如有惹味鸡煲、胡炉醉鸭煲以及黑白胡椒卜卜蚬煲等。我哋要咗鸡煲🐔，辣度拣咗小辣，但对我嚟讲都有啲过火🔥，好彩嗌咗任饮啫。佢只辣唔讲得笑，但麻味都好足，所以令我又爱又恨。鸡肉份量多，长期滚住肉质都保持嫩滑，而且亦无斩到碎湿湿呢。当食到咁上下，就可以请店员加汤，转打边炉🍲。加汤后，辣度明显减弱，不过愈食都有愈辣嘅感觉，因为汤入面嘅香料煲烂后，令到汤底更浓味。时令海鲜拼盘，是日五款海鲜包括海虾、大蚬、青口、扇贝以及鲍鱼。🦐海鲜全部都几新鲜，而且大大只，鲍鱼难得渌完都唔韧，而扇贝就好够厚肉。胡炉肉类拼盘🥩，左至右分别系澳洲
朋友之前同我推介过「胡炉」嘅火锅好正，但睇餐牌好似好贵咁😣，因为系单点。不过最近尖沙咀H8店推出半放题，闲日食计返都系三百几蚊一位，绝对系令人心动一试嘅价钱。
餐厅嘅半放题包括自选一款煲底、至尊拼盘(即当中嘅食材不设任点)以及超过三十款可供任点嘅火锅料。🥢正价时段食每人收费$298，星期五、六同公众假期加$30，另收加一服务费同酱油费$8。如果要埋饮品放题，每位额外比多$38。
当拣完煲底后，至尊拼盘嘅食材亦会一并送上，基本上未嗌任食嘅部份都已经饱咗七成，非常丰富😍。
煲底有得拣，例如有惹味鸡煲、胡炉醉鸭煲以及黑白胡椒卜卜蚬煲等。我哋要咗鸡煲🐔，辣度拣咗小辣，但对我嚟讲都有啲过火🔥，好彩嗌咗任饮啫。佢只辣唔讲得笑，但麻味都好足，所以令我又爱又恨。鸡肉份量多，长期滚住肉质都保持嫩滑，而且亦无斩到碎湿湿呢。
当食到咁上下，就可以请店员加汤，转打边炉🍲。加汤后，辣度明显减弱，不过愈食都有愈辣嘅感觉，因为汤入面嘅香料煲烂后，令到汤底更浓味。
时令海鲜拼盘，是日五款海鲜包括海虾、大蚬、青口、扇贝以及鲍鱼。🦐海鲜全部都几新鲜，而且大大只，鲍鱼难得渌完都唔韧，而扇贝就好够厚肉。
胡炉肉类拼盘🥩，左至右分别系澳洲和牛、牛舌芯以及黑毛猪豚肉。几款肉食落有明显分别，🐮和牛肉味浓，但略嫌脂肪比例较少，无乜油香；而牛舌芯质感则几软稔👅。猪肉反而几有惊喜，个味唔错。如果唔食猪或牛其中一款，就可拣全猪或全牛。
手工丸拼盘🍢，三款丸包括黑松露墨鱼丸、手打鲜虾丸以及芝心牛肉丸，三款都咁正，各有各好食。墨鱼丸同虾丸真材实料，爽口弹牙，🍤虾丸用上鲜虾再加埋蟹籽，不得了。芝士牛丸都OK，同埋几肯定系自家制。
手工饺拼盘🥟，三款饺包括泰皇鲜虾云吞、XO酱带子饺以及自制鱼皮饺。三款之中云呑最出色，皮薄馅靓。XO酱𠮶粒嘅XO酱味好突出，盖过咗其他味。鱼皮饺就同出面食开嘅差唔多。
除非真系好大食，否则上述非任食嘅食品已经足以塞饱肚仔。我哋呢日都半投降🙈，只系嗌多咗少少嘢食。钟意食肉嘅朋友唔使担心，任食选项都有几款可选，我要咗美国肥牛，质素正常吖。由于打边炉习惯咗一定要食面，所以我嗌咗米线🍜，配合埋个汤底辣辣哋，劲夹啊。
蔬菜方面，我哋嗌咗唐生菜、粟米、薯仔同炸响铃。全部份量都好的骰，啱啱好，唔怕食唔哂会造成浪费。相反啱食的话，叫多啲都仲得🌽！
差啲唔记得讲，我哋开始十下十下前，店员先会送上一人一客蚝皇鲍鱼佛跳墙。叫得佛跳墙就知佢乜料啦🤣。碗中有鲍鱼仔、螺片、冬菇、金华火腿丝以及娃娃菜，佢哋全部都忟得好入味，瞬刻以为自己食紧精致中菜。
最后食到尾声，仲有一人一杯雪糕添🍨，呢只大阪牛乳牌子比较少见，蜜瓜味好似比绿茶味好食。佢系饭后甜点，更加系解辣好帮手，哈哈。
总括嚟讲，胡炉嘅火锅放题确系物有所值啊，付出中等价钱，换来高级享受😎，而且肯肯定食得饱！食物以外，餐厅嘅环境同店员服务都令人满意。
张贴
