Thirty First of May (已結業)

荃湾大坝街有唔少可以食西餐边叹边倾既餐厅，今日行过呢度，见到街巷有间店面风格几简洁优雅既西餐厅，感觉吾错，决定入去试下。店员带我同朋友去到餐厅内的角落位，我地拣左澳洲M5和牛肉眼扒2人套餐。餐厅内的家具和装修主要用上灰、黑蓝和木材，感觉几和谐。抬上头最浪漫既事情发生左，竟然有两颗极像真实的月球系天花，好适合同男女朋友望住月球撑枱脚呀！三文鱼、牛油果沙律配脆包粒所有材料都好新鲜，蕃茄够酸甜，面包粒真系超脆口，再配上蜜糖芥末汁，非常醒胃。甘笋汤甜甜地好饮黑松露蘑菇汤佢将蘑菇打碎左再加上忌廉煮成汤，打碎左蘑菇味十足，再有黑松露令整碗汤的浓郁味好正，好想饮多几碗！卡邦尼意粉用上日本蛋、24个月巴马臣芝士、蛋黄酱制成既卡邦尼意粉，香味浓郁。M5和牛肉眼扒配牛油薯蓉和牛煎得刚好，吃上口多汁，仲有牛油薯蓉一齐食，非常满足。能够以588元呢个价钱食到沙律、餐汤、多芝士既意粉、m5和牛，每人300元都不用，真心抵食！而且餐厅有留意客人食完一样先再上另一样，够晒细心，好适合钟意慢慢食慢慢倾既朋友仔黎食。