添記法式三文治

营业中

休息中

几年前因为挂住去越南食过既法包所以特登上网揾睇香港边度有得食。揾到呢间添记香港老字号，就嚟试下，放工特登过佐敦。越南都唔系间间都劲好食，但呢间俾我既感觉系，人地越南最唔好食既都不如。先唔讲d 料，我觉得个包身先系灵魂！食过好食既越南三文治法包既人都会知，个包食落应该系外皮酥脆，入面松软带少少烟靭！谂下都想食俾完钱，可以见到老板夹料整包，之后佢拎咗个包入焗炉焗，我见到既画面系佢一边休裤一边整。。。观感真系唔太好。。。我都唔记得佢有冇戴手套整包了。。。之后都陆续有人嚟order 食物。我最后拎到个包后咬咗一啖，咦！点解咁既！咁硬既！好似平时出街食到既法包多士咁脆㖞！系成个包都系咁样㖞！当下觉得好唔开心，点解会好似食紧饼干咁。我本住唔浪费既精神食完佢。一路食一路觉得好口干，好似仲刮损咗个口。入面既配料印象中系酸酸味味，最好味系d 酸甜萝卜，其他配料都好印象模糊了，姐系唔吸引我啰。总结系呢个系港式越南法包三文治去过越南食过既朋友之后再食呢间一定会好失望！完全唔推荐