香港冰皮燒鵝

营业中

休息中

见有外卖自取优惠就试下好唔好食，见评价好两极所以颓买两盒单并饭同屋企人食。盒饭好充实，𩠌亦舖满，份量比我想像中多，烧汁淋得唔多，不过𩠌多就汁少都无问题。烧鹅皮真系脆皮，薄薄的，咬落唔系淋嘅皮，系偏酥脆嘅口感，我最喜欢系佢烧到皮同肉中间d肥无晒，系我喜欢嘅口感😍我最惊就系中间痴住肥膏要自己咬走佢（当然有d人系相反钟意中间有层肥，就应该唔like this one）至于烧腩仔，肥瘦分布适中唔觉漏，皮都几脆。质素整体几好，三四十蚊一盒饭CP值极高。