榮式燒雞扒 (吳松街) (已結業)

今日迟左收工，出到佐敦已经差不多3点。午餐未食饿到个肚打晒鼓，即刻上「开饭网」揾下附近有咩食先。之后发现附近有间「荣式烧鸡扒」，以前已经略有听闻但未曾食过，一于就过去试下。店铺的面积唔大，座位亦编排得颇密集，不过只是谂住食个快午餐，所以无咩所谓。睇一睇餐牌，除了饭，其实仲有捞丁和乌冬之类可以选择，都算多元化。最后我决定先试一试「鸡扒肉燥饭」。肉燥的味道及不上台湾食肆那样好，缺少了一些香味，所以捞饭食只是不过不失。但是鸡扒就的确做得唔错，唔咸、甚至可以话淡口，一入口就食到黑椒的香味和鸡肉味。而且鸡皮烧到脆脆地，口感很好👍🏼上菜的时间比预期长少少，相信系因为块鸡扒是即烧的关系，所以要俾些耐性至得。临走前见到隔离台的食客叫左鸡扒乌冬，望落似乎唔错，下次再来的时候就试食乌冬啦。