影片
更多
2012-09-28
45 浏览
系我中学年代，大埔 Pizza Hut 已扎根在此，细个时一个月总有一次帮衬。出到社会工作，见识多左、试既食物多左，就算对 Pizza Hut 抗拒，出品好难食。对上一次帮衬系 3 年前，再上一次都有十年前。但系 2012 年既 4 月另我刮目相看，某些出品令我赞不绝口 ﹗进步不少呢 ﹗女友好想食 Pizza，咁我就陪佢去 Pizza Hut 试吓啦，我一向都非常拒抗，以前食过真系好难食呀 ﹗由意粉、焗饭、小食到 Pizza 都好唔掂 ﹗已经 Black list 左，但见女友多次推介，试试无妨啦 ﹗门口接待既肥阿姐笑面迎人，好有热诚地招待及带位，连我都感受到，赞 ﹗其他男女侍应们服务态度都好好，满意。细心睇左几份 menu 之后，都有好多野想试试，不过我地只得两个人，怕叫太多会浪费，咁就 order 住少少先啦，唔够再加。依度客路都好街坊，踢拖、短裤、背心、波裤都唔出奇。好采隔离枱嘈喧巴闭既阿叔好快走左啫，咁就有餐安乐饭食吓喇，条友讲每句说话大大声，全餐厅都听到，著到牛记笠记吹到生意有几大得几大 ﹗佢个细路仲系通道走上走落、著住鞋系梳化爬黎爬去，顶 ﹗ 热情果芦荟特饮，够冰冻，淡淡既
女友好想食 Pizza，咁我就陪佢去 Pizza Hut 试吓啦，我一向都非常拒抗，以前食过真系好难食呀 ﹗由意粉、焗饭、小食到 Pizza 都好唔掂 ﹗已经 Black list 左，但见女友多次推介，试试无妨啦 ﹗门口接待既肥阿姐笑面迎人，好有热诚地招待及带位，连我都感受到，赞 ﹗其他男女侍应们服务态度都好好，满意。细心睇左几份 menu 之后，都有好多野想试试，不过我地只得两个人，怕叫太多会浪费，咁就 order 住少少先啦，唔够再加。
依度客路都好街坊，踢拖、短裤、背心、波裤都唔出奇。好采隔离枱嘈喧巴闭既阿叔好快走左啫，咁就有餐安乐饭食吓喇，条友讲每句说话大大声，全餐厅都听到，著到牛记笠记吹到生意有几大得几大 ﹗佢个细路仲系通道走上走落、著住鞋系梳化爬黎爬去，顶 ﹗
热情果芦荟特饮，够冰冻，淡淡既甜味，有点似水蜜桃，几好饮。
香辣诱惑薄批，即辣椒牛肉蘑菇 pizza ﹗我细个时最喜欢食，因为佢辣又无洋葱同青椒啰 ﹗放上枱热辣辣、出晒烟 ﹗依啲先系叫薄饼麻，想当年只系暖暖地又出水，谂起都可怕呀。即刻拿件放入口先，热到烫口，正呀 ﹗饼底干爽香脆，半熔既芝士配上蕃茄酱、辣椒、蘑菇牛肉，味道非常地夹，好好味 ﹗连食几件，但食到尾声时，饼底已变得咽靭唔脆喇，芝士变硬，口感同味道都即时大打拆扣，食欲大大减低 ﹗所以必须要趁热食呀 ﹗
烤鸡半只，完全想像唔到，居然超水准 ﹗有惊喜 ﹗Pizza hut 可以有如此质数，真系好好味㖞 ﹗热辣辣皮脆肉嫩 ﹗鸡髀鸡翼嫩溜无穷，鸡胸都十分软棉，任何部份均肉汁丰富，唔洗点酱都好好食，推介 ﹗只食半只真系唔多够喉呀 ﹗
酥皮海鲜龙虾汤，可能记错左，唔知十几年前我系饮龙虾汤？还是酥皮龙虾汤呢？海鲜有鱿鱼、蟹柳、蚬肉，印象中配料比以前少左好多，而味道较为平实，都合格既。
蜜糖辣鸡中翼，表层肥美又黏黏的，带甜亦带辣，肉质滑而里面仍保持肉汁，好 食 ﹗系我脑海里依然留住当年冻冰冰又油又干又细只既鸡中翼，始中挥之不去这种不开心经验。
晚餐四旧有找，散叫细 pizza、焗鸡、鸡中翼、海鲜龙虾汤，每位二百算中价啦，还可以。
张贴
