郭仔記粥麵專家

营业中

休息中

其实我之前见烧卖关注组都推荐大埔国仔记呢间嘅烧卖，所以夜麻麻，跑开步，都忍唔住试一试。我自己对于肠粉都略有研究，其实最重要嘅系食佢搭唔搭牙同埋食佢嘅酱料，因为有啲地方，就算肠粉整得好好食都好，但系如果甜酱嘅味道稍为同肠粉唔夹嘅话，其实就算啲肠粉几好食都冇用。呢度嘅肠粉$11 4条，价钱来讲唔算特别贵，咁当然啦，亦都唔算特别平。佢呢度有肠粉套餐可以拣，一碟肠粉有四条，仲可以包含烧卖同埋鱼蛋，肠粉系好大牙嘅，每一条都好爽，绝对唔会有整到好稔一坺嘢嘅感觉。烧卖亦都有好香嘅猪油味。之后我叫咗杯冻柠茶，同埋冻柠水，唔算特别甜，茶味亦都比较出，算系几唔错㗎啦。