影片
更多
2008-10-15
40 浏览
食过无数次，一路都好钟意金城嘅猪膶肠粉同埋鱼皮，肠粉早嚟系冇得食嘅，要夜晚十点后先有，所以每次都系嚟宵夜，呢次系佢火烛之后第一次嚟，我哋叫咗： 爽脆鱼皮：水准最稳定，实食！鱼皮一啲腥味都冇，好鬼弹又好爽，姜葱豉油好香，仲有芝麻同花生助兴，非常精彩！ 猪膶肠粉：啲皮同伴食嘅豉油差咗！净系猪膶冇变，唔得㖞！皮冇以前咁薄咁晶莹剔透，有啲厚，食落真系太多粉嘞；豉油亦冇以前咁香咁甜，以前浸极都唔会好似而家咁由佢浸住会好咸！ 叉烧肠粉：一样唔掂，叉烧差啲揾唔到，好似净系食紧斋粉肠咁！ 炸酱捞粗面：好多炸酱，又香口又甜，面好弹，最惊喜系碗汤，好有虾味，有啲似旺角中心好正𠮶间！忍唔住饮晒！ 牛腩捞粗面：牛腩都稔，牛筋食味好过牛腩，面一样咁弹，都好正！喺度至爱嘅肠粉唔知会唔会变番好呢？都会再嚟希望再食到以前味道嘅肠粉，至少都比多次机会佢，唔系又少一样嘢食架啦！
食过无数次，一路都好钟意金城嘅猪膶肠粉同埋鱼皮，肠粉早嚟系冇得食嘅，要夜晚十点后先有，所以每次都系嚟宵夜，呢次系佢火烛之后第一次嚟，我哋叫咗：
爽脆鱼皮：水准最稳定，实食！鱼皮一啲腥味都冇，好鬼弹又好爽，姜葱豉油好香，仲有芝麻同花生助兴，非常精彩！
猪膶肠粉：啲皮同伴食嘅豉油差咗！净系猪膶冇变，唔得㖞！皮冇以前咁薄咁晶莹剔透，有啲厚，食落真系太多粉嘞；豉油亦冇以前咁香咁甜，以前浸极都唔会好似而家咁由佢浸住会好咸！
叉烧肠粉：一样唔掂，叉烧差啲揾唔到，好似净系食紧斋粉肠咁！
炸酱捞粗面：好多炸酱，又香口又甜，面好弹，最惊喜系碗汤，好有虾味，有啲似旺角中心好正𠮶间！忍唔住饮晒！
牛腩捞粗面：牛腩都稔，牛筋食味好过牛腩，面一样咁弹，都好正！
喺度至爱嘅肠粉唔知会唔会变番好呢？都会再嚟希望再食到以前味道嘅肠粉，至少都比多次机会佢，唔系又少一样嘢食架啦！
张贴
