醉潮館

营业中

休息中

食蟹三步曲!第一步，去咗鸭脷洲蟹点食咖哩蟹 (见另文).第二步，因为咖哩蟹好正! 食开咗条引，于是再去矿记生滚粥食水蟹粥 (见另文).第三步，因为矿就太失望，于是再去醉潮馆食水蟹粥.其实当初食蟹引大发，上网揾水蟹粥，已经发现醉潮馆，但因为路途较远，我个人唔知点解特别讨厌揸车行青葵公路，所以先去帮衬矿记，结果失望而回，但我蟹引未止，唯有远一远都揸电单车入去荃湾帮衬.我对蟹粥有三大色香味要求! 颜色金黄色，发出扑鼻蟹香，入口当然有浓郁蟹味同膏蟹香!当年澳门氹仔官也街诚昌水蟹粥，哩三点都做到满分! 长气都要讲，好庆幸当年有幸食过! 依家? 佢地D粥喂猫都唔食啦! 上网睇醉潮馆嘅水蟹粥，色香味只知颜色合格，而眼前枱上嘅水蟹膏，颜色带少少金黄色，第一要求过关! 起码眼见都有D蟹膏，膏蟹有大细之分，我问侍应只蟹臭唔臭，侍应笑哂口话唔臭，唔臭就点大蟹! 餐厅无偷工减料，成只蟹系哂蟹粥内有齐哂手手脚脚，而且肉质鲜甜.第二点过关，虽然蟹味唔系扑鼻，起码闻上去有蟹味.由于食过矿记劣质水蟹粥，今次帮衬有好明显蟹香，第三点合格!虽然另外再点嘅沙爹牛肉炒芥兰牛肉较韧，串串鸡又炸得过火少少唔多够 Juicy，但水