辣椒醬

营业中

休息中

膝头哥就梗系唔食辣椒酱啦，但我嘅味蕾就好钟意喇！位于湾仔嘅辣椒酱，餐厅由泰国人主理，而辣椒酱嘅店面虽然无乜泰式摆设，但其实系走泰国嘅地道大排档风格（好彩辣椒酱系有冷气）！加上主打嘅泰国菜食物，流露住泰式暹罗风。冬荫公汤泰国菜嘅调味系随著地区而略有不同，呢份冬阴功汤嘅调味偏甜，属于泰国中部地区嘅recipe。呢个做法除咗令本身酸辣嘅冬阴功汤，加添一份层次之外，亦更容易入口，连小朋友都饮得。而且冬荫公汤嘅大虾份量相当多，口感弹牙，非常抵饮。生菜包生菜包嘅灵魂，当然就系肉碎啦！香辣惹味嘅炒肉碎遇上清新爽脆嘅生菜，系一道口感丰富嘅开胃菜。蒜蓉炒通菜泰国嘅蔬菜，第一时间一定系谂起通菜。呢碟蒜蓉炒通菜虽然唔系一碟复杂嘅菜式，但越简单其实越考功架。鲜嫩嘅通菜炒得干爽有镬气，配上浓郁嘅蒜蓉香味。泰式牛肉船河喺泰国食船河，分分钟要食10碗，但喺辣椒酱，份量十足，一碗就够。船河汤底味道浓郁，除咗用上猪血同黑酱油嚟调味之外，仲落咗花生酱令到汤嘅味道更香浓，配合埋肉质嫩滑嘅牛肉，真系隔篱枱见到都忍唔住叫返碗。