KLN Cafe (已結業)

观塘多工厦餐厅就大家都知，原来街市入面都可以揾到咁chill既文青咖啡店。今日埋单两个人都系100 蚊，超级抵食既文青餐馆就系观塘骏业街市一楼。店铺既墙身用左灰色墙纸，格调唔错。复古既海报充分展现文青既风格。今日星期五，都几旺几多人。但系又唔会有种好迫既感觉。 如果唔系听日要番工，我实会试下佢既手工啤。最后叫左两杯好fancy 既特饮，荔枝同蜜桃味梳打茶。个套餐十分抵叫，好似车仔面咁，配料酱汁都自己简，够哂个人化。今日食既系芝士杂菌虾仁意粉。跟餐沙律，饮品同小食都系半价。所以姐系薯条果d都系十四蚊，有酱，抵过又好味过麦记。超可爱既特饮。同埋要捞匀先好饮啊，糖浆系个底。 个人觉得多d气会好饮d, 但系个造型咁令，打卡都值哂啦。然后系香灯鸭胸沙律，沙律菜好新鲜，鸭胸同香灯既味道都十分夹。好味！我地既主菜，十分足料既芝士意粉，见到吗，有芝士丝架！好滑好香，又够哂汁!个薯条即叫即炸，金黄香脆，配埋个蜜糖芥茉好正啊，超抵食，食完真系有冲动再叫多客。总括而言，呢到真系非常抵食又好味啊，文青们，伪文青们，上尼打卡或同朋友聊聊天都系一个好地方！