上海弄堂菜肉餛飩 (已結業)

就快要飞日本喇~今日黎到铜锣湾同朋友午餐, 揾到呢间食上海野既小店, 见到价钱都抵食就入左去了。午餐set抵食, 可以选一款小菜跟面, 唔够饱仲可以加酸辣汤/青瓜。我地叫左拍青瓜, 酸辣汤, 回锅肉, 醉鸡, 主食就叫了菜饭同担担面一齐食。酸辣汤够大碗亦开胃, 青瓜虽然睇落去麻麻, 但食落去好爽口! 回锅肉同醉鸡就比较普通, 而担担面就几好食, 应有既味都有, 如果花生味可以再多少少就满分了! 叫lunch set仲有豆浆配埋, 不过就比较甜。到左1点午饭时间开始见到有外卖既人系出面排队, 如果我地晏少少入黎应该连堂食都要等位, 就知呢度几受打工仔欢迎。