美味餃子店 (已結業)

提起长沙湾嘅饺子黄店，首推当然系甜记饺子，原来附近仲有间叫美味饺子店，旧式小店格局，同甜记系两种截然不同嘅风格。天气太热，唔想食汤饺，于是叫咗十只煎韭菜肉饺（我成日觉得，煎饺一定系韭菜最好食，汤饺嘅话，就一定要叫白菜或者椰菜）。一上枱，吓咗一跳：煎饺比想像中㶶，食落口，饺皮颇硬，有少少失望😐，不过入面嘅馅料就味道唔错。食食下，见同枱其他食客不断添加小店自家制嘅菜脯辣椒油，转眼间，成樽嘢只剩返三两羹，我都唔执输，即刻𢳂咗少少试下，果然非常惹味，用嚟点煎饺食，味道一流👍。后来听朋友讲，呢间嘅汤饺好好食，好，一于要再嚟试多次。