等 (已結業)

😻店内有咗好多干花、绿色植物作为点缀，亦有播放音乐，感觉自然柔和！好治愈(*^ω^*)😽食物选择好多，松叶蟹肉烩饭、手打牛汉堡、Await青酱带子配巴马火腿意粉系呢间舖嘅热门。近排食牛太多，所以选咗鸡肉汉堡，个人钟情于黑松露所以亦叫咗黑松露饭，两样都非常惹味！菠萝鸡扒汉堡配await辣酱（$98）呢个汉堡超开胃！辣酱同炸鸡扒好夹，有韩式味道，菠萝烘烤过，有烧菠萝嘅感觉，好清甜，令个包好juicy（但完全唔会湿）。黑松露什菌饭（$98）磨菇同松露酱好够，成个口都系菌香味，加少少忌廉炖埋一齐---好。满。足。钟意菇菌类人士一定要试。冰冻荔枝茶（$38）原个荔枝加红茶，唔会太甜，卖相可以～值得欣赏系佢饮管用竹，够环保👍🏻😸店员有特别过嚟推介几款饮品，话啲Latte系使用咗京都百年茶舖美好园的茶叶，推荐Matcha Latte 京之香 同埋Hojicha Latte 明珠。