馬華餐廳 (已結業)

「叫自己做马来餐厅，但餐牌大部分都系港式茶餐厅食物。」我心想，隐隐有份被骗的感觉。路过呢间马华餐厅，见到门面同店舖颇为怀旧，又见写住马来食品，就二话不说入去食返个下午茶。入去坐低望望餐牌，却心中不禁暗叫有伏。睇真啲，其实除左贵刁同海南鸡饭，无乜边样系真系马来食品。而且呢两样食品周围都系，算不上马来专属。姐姐帮我落完单，好快亦送回单据，呢个时候我再睇，又一大伏！一间普通茶记，闲日（当日礼拜四）下午茶时段都学人加一！炒乌冬同奶茶终于上枱，奶茶来讲普通发挥啦；炒乌冬方面，叫就叫XO酱炒，但食上去只有豉油味浓，XO酱的香口，麻辣就一啲都食不出了。整体黎讲，马华餐厅装潢系有特色，餐具都有自己餐厅logo包装，感觉似走进一间九十年代茶记。但食物只系普通，而且自称马来食品，实在有被骗感觉。