影片
更多
2014-06-13
452 浏览
晌美孚区，又多咗一间茶记进注，就喺连锁店嘅「翠河」。其实间嘢都开咗一段日子，但就一直懒得行过去试，因为离屋企距离远，啱啱一头一尾。不过，总有机会嘅，就趁一次返完教会，老友揸车直接返嚟美孚，咁就索性建议嚟试翠河。对比起前身嘅鸿福，翠河当然有朝气好多，门面招牌霓虹光管绿字，已经宁舍抢眼，而且又喺新装修，份外新净。室内环境，以卡位居多，装修时尚明净，光猛企理，感觉舒服得多。有几款套餐餐牌，都喺以「是日精选」最实惠。由A-K共9款选择，有无留意，佢唔喺叫咩午市套餐，因为由午市，到下午茶，及至晚市都有供应，只喺价钱上嘅分别。午市时段（11:00am-2:00pm）卖$40，下午茶时段（2:00pm-6:30pm）卖$35，晚市时段（6:30pm后）再次卖番$40，而套餐只包例汤或热饮。此外，仲有啲常餐（$38）、马来咖喱餐（$45-$52）可拣！其他餐牌就无特别去留意。A款 - 什锦炒河粉份量超大碟，椭圆形长碟堆满河粉，两个女生都够食。单睇卖相，河粉炒得唔太「匀巡」，所谓「什锦」，都只不过喺啲肉片、火腿、银芽，炒埋一堆加个茨汁，朋友话好普通。D款 – 芝士焗肉酱意粉小弟都好耐无食过依款意粉，所以
对比起前身嘅鸿福，翠河当然有朝气好多，门面招牌霓虹光管绿字，已经宁舍抢眼，而且又喺新装修，份外新净。室内环境，以卡位居多，装修时尚明净，光猛企理，感觉舒服得多。
有几款套餐餐牌，都喺以「是日精选」最实惠。由A-K共9款选择，有无留意，佢唔喺叫咩午市套餐，因为由午市，到下午茶，及至晚市都有供应，只喺价钱上嘅分别。午市时段（11:00am-2:00pm）卖$40，下午茶时段（2:00pm-6:30pm）卖$35，晚市时段（6:30pm后）再次卖番$40，而套餐只包例汤或热饮。
此外，仲有啲常餐（$38）、马来咖喱餐（$45-$52）可拣！其他餐牌就无特别去留意。
A款 - 什锦炒河粉份量超大碟，椭圆形长碟堆满河粉，两个女生都够食。单睇卖相，河粉炒得唔太「匀巡」，所谓「什锦」，都只不过喺啲肉片、火腿、银芽，炒埋一堆加个茨汁，朋友话好普通。
D款 – 芝士焗肉酱意粉小弟都好耐无食过依款意粉，所以点嚟一试其手势，因焗制需时，所以焗意粉要多等候十零分钟，但可能客多关系，结果等咗近廿分钟。不过，明显个焗肉酱意粉有少少焗过火，面层肉酱有啲㶶，庆幸唔严重。同样，满满放满一碟，好大份，肉酱本身其实都做得唔错，芝士软绵浓香，意粉就不过不失，算OK啰。
K款 – 油鸭脾饭朋友嘅油鸭脾饭，好好哋斩好嘅一只油鸭脾，竟然咁求其放番晌碟饭度，唔知喺师傅忙做到无气抖发「脾四」，定抑或啲侍应跌过嚟再执番，希望唔喺后者，或者我哋谂多咗。据朋友讲，件睥比较干，唔喺好够油润，但肉质挺结实，甚有腊味香。
套餐包例汤或热饮，都喺热奶茶最稳胆。茶底醇香，姑勿论喺咪心理作用，黑白奶冲出嚟嘅奶茶确然幼滑啲，一杯醒神奶茶作结，算喺精神上嘅一种补足！
虽然口口声声话懒得由屋企行过嚟，食完晏咪又要死死地气行返去。食饱饭，行吓好，个人无咁易肥！不过，被朋友串：你晓肥咩（因为小弟食极都钢条身形）！真喺自讨没趣。
张贴
