影片
更多
2019-04-19
5298 浏览
俾妈子知道咗早排食过自助餐素菜，佢又扭计话要食㖞哈哈。但都知食素未必满足到佢，于是约埋另一半一齐同佢食返个正式BUFFET系愚人节俾个惊喜佢。上网知到佢天台系住客打卡热点，可惜今晚主要食野无上到去。唯有留返下次啦。餐厅楼底几高，坐系入面唔觉焗促，而座位间隔都松寛倾计大声啲都唔怕隔离留意到，有返啲私隐空间。冷盘／沙律都多选择，冻面包蟹／青口／海虾／长脚蟹／大蚬，几款都唔错。尤其钟意面包蟹盖，因为真系好多膏。沙律中嘅香橙羽衣甘蓝配上日式芝麻酱非常好食，配搭埋BB紫心薯又脆又软嘅口感，唔错。因为早几日先食完日本野，所以刺身寿司就无食了。反而主要食熟食／甜品。因为呢度做得十分有水准。清酒粉丝煮蚬／长通粉／鳗鱼炒饭等煮得都好食，尤其系鳗鱼饭嘅鱼肉好弹牙，咸甜适中嘅炒饭好令人回味。海龙王汤煮得好出味，大虾／青口／鱿鱼／蕃茄嘅味道溶晒入汤水里头，啖啖香甜浓郁。红酒牛尾除咗入味，牛尾骨仲好腍滑，不过红萝卜先系精粹，因为吸收红酒汁同牛肉嘅味道，加上本身嘅甘味，ENCORE咗两次！岩盐板烧安格斯牛肉。睇住师傅将牛肉放上岩盐板，再慢慢烧熟其间发出嘅油脂香味已经令人流晒口水。牛肉因为经过盐烧所以唔需额外调味就
上网知到佢天台系住客打卡热点，可惜今晚主要食野无上到去。唯有留返下次啦。餐厅楼底几高，坐系入面唔觉焗促，而座位间隔都松寛倾计大声啲都唔怕隔离留意到，有返啲私隐空间。
冷盘／沙律都多选择，冻面包蟹／青口／海虾／长脚蟹／大蚬，几款都唔错。尤其钟意面包蟹盖，因为真系好多膏。
沙律中嘅香橙羽衣甘蓝配上日式芝麻酱非常好食，配搭埋BB紫心薯又脆又软嘅口感，唔错。因为早几日先食完日本野，所以刺身寿司就无食了。反而主要食熟食／甜品。因为呢度做得十分有水准。
清酒粉丝煮蚬／长通粉／鳗鱼炒饭等煮得都好食，尤其系鳗鱼饭嘅鱼肉好弹牙，咸甜适中嘅炒饭好令人回味。
海龙王汤煮得好出味，大虾／青口／鱿鱼／蕃茄嘅味道溶晒入汤水里头，啖啖香甜浓郁。
红酒牛尾除咗入味，牛尾骨仲好腍滑，不过红萝卜先系精粹，因为吸收红酒汁同牛肉嘅味道，加上本身嘅甘味，ENCORE咗两次！
岩盐板烧安格斯牛肉。睇住师傅将牛肉放上岩盐板，再慢慢烧熟其间发出嘅油脂香味已经令人流晒口水。牛肉因为经过盐烧所以唔需额外调味就已经好好食，可惜系食完要再排队啊～排咗几次先满足！
隔离嘅猪肋骨扒都系必食之一。烤梮得入味嘅猪肋骨配上少少酱汁，食落软腍再配埋一口鸭肝真系双重享受。
焦糖岩盐蛋糕。外层嘅粉蓝忌廉加入咗岩盐所以食落有啲啲咸味，配搭埋干身海绵蛋糕及焦粉碎都唔错。适合呷上一口咖啡享受当中嘅五味杂陈。
面包布丁配上云呢嗱汁甜得黎带出淡淡蛋香，虽然唔系好滑溜质感，但口感仍然不错。
餐厅仲多美食但因为肚皮容量实在有限，未能一一品尝实在可惜。但以价钱及食物质素黎计算可说得上几抵食。闲日过黎食自助午餐更加系好抵，有时间更可上天台饱览东九龙嘅城市景观，唔错。
张贴
