兄弟邦

营业中

休息中

讲起胜利道，可能好多人都会谂起宠物店或者动物诊所。其实果头都有唔少餐厅，而最常帮衬就系「兄弟帮Neighborhood」喇。兄弟帮系一间日式餐厅，应该主要做街坊同学生生意，因为每次去都见到老板同啲顾客好熟，都会有两句倾下。见有唔少人黎依度通常都会食自选丼，唔同款式嘅鱼生例如三文鱼、油甘鱼、甜虾、玉子定海胆都有得你拣，真系岩晒贪心嘅朋友仔，不过好似我依啲有选择困难嘅就会头痛少少喇哈哈。而依度嘅鱼生性价比都唔差，可以叫多2旧都唔会肉都赤埋。除左鱼生自选丼，佢依度嘅刺身都会系必点。我就次次都会叫三文鱼腩刺身，因为真系肥美又厚切，系会食到lam lam 脷架。通常会叫自选丼外加三文鱼腩刺身，食到捧住肚满足咁走。餐厅另外仲有热丼同暖笠笠寿喜烧，都系正常水准，有时唔想食冻野都可以系度揾到热新辣野食架。可惜就系餐厅细细，坐得有啲迫，不过其实餐厅食物又唔系贵，都唔会谂住食完坐好耐，所以都无咩野问题既。