心夜來潮 (已結業)

之前食过荃湾分店的「心夜来潮」，叫了好多款菜式，反而腌海鲜及海鲜未食，今次系旺角见有分店，就同友人一齐食海鲜，仲有必点的自选配料潮汕砂锅粥。酱腌生虾 $68有8-9只生虾，手指咁粗够大只，雪完冇变色处理得好，附配潮州粥，几抵食。生虾腌得够入味，而且不会太咸，生虾肉爽口弹牙，比一般煮法更咸鲜味突出，好好味。香辣鱼仔炒蛏子皇 $38/只，我同友人各一只。果然好珍宝size, 快炒惹味得黎蛏子更嫩滑爽口，当中的香辣鱼仔更令蛏子有微辣香辛味，几浓味既菜式。传统鸭蛋煎蚝烙 $78，用鸭蛋已经吸引啦。煎得够香口，边位更是非常松脆，仲有鸭蛋香。蚝仔超多又嫩滑，胀卜卜好饱满，鸭蛋与蚝仔两者都不腥。蚝烙带烟韧不易散，厚薄适中。潮汕砂锅粥 $230 （小）够哂新鲜滚热，用砂锅装著，食到尾声都仲暖，而且睇个面橙黄色，充满蟹膏好吸引。（膏蟹-小 $120、蚝仔$60、猪润$30、鲍鱼$20/只）。膏蟹拣了小，但都几大只，而且好多膏，札实甘香，蟹肉嫩滑鲜味。蚝仔份量同样多，粒粒柔软嫩滑有蚝味。还有鲍鱼弹牙好咬，只叫了一只切成两份，实不够喉，下次要每人一只。整个了都好鲜甜有海鲜味，加了猪润更香，粉嫩与感好夹软绵绵