湯•米 (已易手) 新餐厅

香港人钟意打边炉既程度都唔洗我多讲，打边炉既舖头开到周围都系，连本身卖家乡鸡或者粥既，都分分投入哩个火锅竞争市场，可想而知香港人对打边炉既普及程度同喜好有几高。 最近我就试左汤•家既一人边炉。觉得几特别可以同大家介绍下。汤•家系用台式食店包装既店舖，除左台湾出名既臭臭锅，哩到仲可以试到台式经典小食同饮品。 臭臭锅听就听得多不过就未食过，所以一于试下。望落虽然份量唔算大，不过配料都算多样化，每款配料都有一至两块，血鸭、臭豆腐、贡丸，豆角、炸薯仔等等，仲会配多个饭或者米粉，数数下其实份量都唔少，对食量唔系特别大既食客，绝对够饱。牛肉片都算几新鲜，渌完食落都唔韧。朋友就点左个泰式海鲜，味道都唔错，汤底有啲似冬阴公，不过就好清，冇油层。配料大致同臭臭锅相同，主要多左虾同青口。不过汤底唔同，出黎既效果都好唔一样架！多啲人食可以试更多味道。哩到啲饮品都几多选择，食饭期间都见到好多人专程入黎买饮品拎走架。咁我哋就点左杯芝士冻顶乌龙同百香果绿妍。哩到既饮品味道都唔太甜。