白鬍子炸魚薯條

营业中

休息中

两个见到炸嘢就狼吞虎咽嘅食肉兽，食炸鱼薯条由澳洲食到返香港，见到香港竟然开设咗纽西兰独特风味嘅炸鱼薯条专门店，就冲去试吓！Signature Fish and Chips $75 用上纽西兰嘅深海蓝鳕鱼柳，加成大盘粗过手指嘅薯条，即叫即炸，仲有8款酱汁俾你拣。炸鱼柳嘅份量好大件，长而薄身，鱼柳肉好雪白，肉质嫩滑，粉浆够薄好香脆。白啤酒炸蚝一客3只$48，个酱辣辣地好惹味，配埋醋腌洋葱，一酸一辣，令到个蚝juicy得嚟味道几过瘾。蒜香炸虾蓝$42有五只虾，好大条，炸出嚟热辣辣，虾肉有啲似天妇罗用嘅虾，不过粉浆就较为结实。炸芝士同爆谷磨菇，一拉开就有长长嘅芝士丝，食落有淡淡嘅mozzarella cheese味道。炸磨菇只有3粒唔够食，如果份量再多啲就好啦！香煎小牛肠配薯蓉$55，贵为全店销量第3位嘅食物，系我嘅心水推介。薯蓉有口感，可以食到一粒粒嘅薯仔，加上磨菇味嘅酱汁味道配合得宜。小牛肠煎香了脆皮，微咸嘅肉肠混搭淡淡薯蓉一起吃，正好消除其他食物嘅油腻感。