金樂軒雞煲魚鍋

营业中

休息中

天气开始无甘热，疫情开始放缓，当然要同朋友聚聚旧，今次就黎左朋友呢边食鸡煲加打边炉，因为甘样边食边倾计真系唔错😌 讲返呢间餐厅，我哋以前都有帮衬过，不过都有段时间了，但味道依旧不变，老板都甘亲切😌，真系好中意甘有人情味既餐厅。叫左唔辣既奇味鸡煲，即使系唔辣都依然味道十足，份量足够，鸡件大，鸡髀鸡翼都有😋鸡肉新鲜，不愧系我至爱😍打边炉点可以少左食炸鱼皮，鱼皮脆卜卜，份量都系十足。桂花鱼片，由于好怕鱼有腥味，所以打边炉好少会叫鱼，但系呢种桂花鱼就唔会有腥味同埋片好晒唔会有骨，就算少食鱼同怕食鱼既人都容易接受。自家制墨鱼滑，份量大到哗左一声，新鲜不在话下仲好有口感，下次会再叫。仲有叫左贡丸，韭菜饺，油麦菜同埋出前一丁呢啲边炉好拍档😌😌最后，值得一提嘅系自家制竹蔗茅根，唔甜，清凉甘香，基本上嚟呢度都会叫。