School Food (已結業)

天气热到咁，街出条街就出晒汗，乜食欲都无晒！今日终于忍唔住去左食一路心思思想食嘅水冷面！校园花卷〔牛肉〕$75每次食School Food都会叫个寿司食，今次叫个未食过既～校园花卷个样非常吸引！薄薄的蛋皮先包住一块芝士，再包住寿司，入面既酱烧牛肉都非常入味，个酱汁好惹味！加分位：每个寿司🍣既饭都唔会太多，味道又刚刚好，唔太硬又唔太淋！另外仲叫多左个小食：脆脆炸鸡伴青瓜沙律$78炸鸡🍗分量都多，鸡肉都颇嫩滑，系唔够热，如果热小小上枱就好了！青瓜沙律上面有少许韩国🇰🇷辣酱，几特别。我最爱既水冷面$72用牛骨冰汤做汤底，够晒冻！酸酸辣辣既汤，非常开胃！面线既质地比较烟韧，上枱时店员会帮助剪开几份，食既时候就会易夹的！每次食都觉得食极都唔够，愈食愈开胃！正！最后两杯饮品：水漾凤梨🍍沙冰$33卖相100分，水果做配料，一啲都唔Hea！不错，夏天果然要饮沙冰解热！够姜柠蜜〔冻〕$32呢杯姜汁味都颇重，其他无乜特别。SchoolFood既餐牌一直都系用报纸海报咁既形式，好特别的风格。