創意廚房 (已結業)

夜晚经过荃湾做完野，紧系去揾揾野食。行过旁边间出晒名既麻辣米铺大排长龙，咁鬼热更系唔同你din, 黎左隔离间7点几都拍拍地乌蝇既fusion台式小店。贪佢咩呀～贪佢够特式多好评。点知中左半伏。叫左呢碗喇沙汤底米线。得蟹柳鱼片豆卜都系啲自己屋企煮面既料，创意欠奉.....喇沙汤底一啲都唔喇沙，似沙嗲味精汤多啲。台式肉燥茄子饭， 没什惊喜。但食评赞到天上有地下无，失望。茄子略为烧㶶，肉燥够味。叫左个卤水拼盘，所有野都好淋好入味既，值得试下。呢个椒盐炸鸡肶茹，咁样整系几好食。惹咪得黎又唔系净系肉类。但唔够脆。左边苦瓜苹果汁，有苦瓜味冇苹果味，清热几好。右边叫100毛，只记得有鲜奶泡沫系入面，系几好饮。虽然我都支持小店，但以咁多好评黎讲，真系令人失望。期望佢会做得好啲，再做多啲创意美食，咁先唔会名过其实。