龍門冰室 (已結業)

夜晚妈咪无煮饭, 于是就同屋企人去左龙门冰室食饭!之前我地都食过, 觉得唔错, 所以就再回头食多次。佢呢度既价钱相宜, 而且份量都几大碟, 一份都可以食得好饱。我D屋企人个个都叫个扒餐, 好食又抵食, 而我之前都成日食, 今次就试下其他野, 就叫左个波洛尼肉酱意粉配德国纽伦堡肠, 呢个餐仲有沙律、餐汤同饮品送。首先黎既就系我的最爱-热杏霜, 可以滋补养颜, 杏仁味都几浓郁, 饮完都有一阵杏仁味留系口腔入面, 都好令人回味!沙律都几丰富, 有粟米、鸡蛋同菠萝, 好有口感。酸酸甜甜都几开胃!小食点左蜜糖鸡翼同黑松露芝士焗杂菌西兰花。 蜜糖鸡翼有炸过, 再淋上蜜糖, 食落好香脆, 仲有阵阵蜜糖味, 几好食! 鸡翼旁边都有少少沙律菜, 可以中和油腻感。黑松露芝士焗杂菌西兰花有好浓黑松露味, 西兰花上放有好多芝士, 去除左西兰花原有既菜青味。最后到主菜-波洛尼肉酱意粉配德国纽伦堡肠, 肉酱意粉已经帮你预先捞起, 每一条意粉都占满肉酱, 德国纽伦堡肠好香香草味, 肉肠好弹牙!试新野都唔会中伏, 仲要几好食, 边可以唔再一次帮衬呢~