熊小館 (已結業)

新都城食肆有好多选择，今晚拣咗一间高质打卡餐厅，全程仲可以同熊bear bear 共进晚餐添😍。餐牌有几款二人套餐，拣咗个比较丰富嘅，当为劳下自己。餐汤配蒜蓉法包今晚餐汤系罗宋汤，味道浓郁，绝对真材实料，饮完仲好想追加😆，蒜蓉法包香脆，配汤一流。意式焗肉酱茄子面层嘅芝士已经加哂分，茄子🍆软腍入味，与肉酱嘅比例合宜，味道香口。蜂蜜味bbq烧猪仔骨份量够多，食完绝对够饱。猪仔骨肉质软腍，酱汁鲜甜。配有新鲜沙律菜和脆卜卜嘅薯条，非常推荐。露笋野菌意大利饭卖相平平但味道系有惊喜，仲会越食越想食。意大利饭用珍珠米，口感有嚼劲，露笋和野菌能提升其层次，而且好适合素食或者唔想食得太heavy 嘅朋友。自家制心太软配曲奇雪糕雪糕味道系自选，上嘅时候系同心太软分开，所以我自己将佢地mixed 埋黎食。自家制嘅心太软好好味，内里的朱古力浆像岩浆般倾涌出来，非常好味。特色饮品饮品选择有好多，我就拣咗杯蔷薇之恋，实情系玫瑰花茶柚子，它有浓郁的玫瑰花香味，而且柚子味道清新，甜度适中，认真不错。