燒魂

营业中

休息中

毕业之后同班旧同学都一段时间冇见，早排大家决定约出黎食个饭，聚下咁。放题紧系不二之选啦。之前见杂志有介绍，决定同佢地试下新野！去到都见到唔少人等位，可能我地提前左book位，所以都好快已经可以入坐。入到整体环境装修都唔错，够大。一坐低店员已经叫我地第一转唔洗落鱼生住，佢地会准备一碟拼盘比我地先。好快手，转个头就送到。虽然款就唔算多，整体刺身都唔错，比较同类放题都尚算新鲜。咁多款黎讲，我比较中意佢既三文鱼腩同甜虾。三文鱼腩厚薄适中，食多唔腻。甜虾好新鲜，够哂鲜甜！会系首选推介！！至于海胆个d就不过不失啦，唔算腥但唔够肥美。肉食既种类相对比较多选择，我个人对肉食既兴趣不大，不过都样样都叫左少少。但由于捞埋一碟，其实都唔系好分到边款打边款。但整体烧出黎都ok入味~总括而言，呢个价位唔会要求好多、食物质素都唔错，会同朋友再去食！