Candies Foodies (已結業)

Candies foodies今日有个朋友生日饭，都揾左一阵，因为系有两个门口都写住华源大厦。好彩佢放左个餐牌系大厦门口，所以我就揾到喇。时间尚早，七点开始多人，好彩早到。朋友叫左龙虾汤我就叫左磨菇黑松露汤，好有质感。因为有好多打碎左既磨菇咬，同埋黑松露都好浓郁。叫左个oreo沙冰，未试过。又几有特式，一饮落去好似几块oreo打碎左咁，浓郁又冰冻，好味，无叫错。最钟意就系食粗薯条，仲要新鲜炸起热辣辣，加黑松露蛋黄酱，所以唔肥腻。软壳蟹扁意粉，呢个意粉系一啲都唔觉腻又唔会话食多几条就制既感觉，非常好，唔会太重忌廉。所以意粉真心推介。朋友唔食羊架，我又唔食牛肉，最后拣左呢个，但我觉得拣岩左，因为佢个批既皮好似煎蛋皮咁，好得意，边脆内软，加埋蟹肉同火箭菜，新鲜好味。两个人食得哂成块都唔觉制。焦糖炖蛋，焦糖做得脆，但蛋可以再热少少会更好味。最后埋单，每人都系二百几，我已经食到好饱，好味，我应该会再黎。