哈欠

营业中

休息中

长沙湾一直都有唔少宝藏小店，今次黎到隐藏喺闹市中嘅哈欠，食左个舒服嘅Friday dinner。今次叫左个晚市二人餐，包左一份前菜，两份主食同埋甜品，另外加左两杯饮品。前菜拣左芝士薯仔千层，造型几有趣，芝士味唔算好浓，同埋薯仔切得比厚身，所以加埋一齐口感就普通。至于主菜分别叫左一份黑松露蘑菇意粉同埋一份牛扒配炸薯仔。牛扒就普通，虽然确实系做到5分熟，但系牛扒本身质素一般，冇乜肉味。但系意粉就有惊喜，黑松露味突出，面都煮得啱啱好。最后就系甜品tiramisu，唔算好甜，但系咖啡味道唔系好浓。不过不失。整体嚟讲都算系一个唔错嘅晚餐，环境好舒服，仲要系宠物友善，但系食物嘅质素就有进步空间。