影片
更多
2021-10-09
250 浏览
天气突然转凉，所以就有啲想去打边炉，去开荃湾就梗系去出名嘅大鸿辉揾食啦，入到去见到升降机条人龙有啲长，所以就搭电梯去睇下有冇适合嘅餐厅，上到三楼见到有一间打边炉，价钱都唔错，所以就去咗呢间食啦！见到有唔同价位选择，本身见到大闸蟹任食好吸引，不过我怕自己会食唔多，所以都系打返边炉就算，拣咗中间价位嘅B套餐食，本身套餐包埋一个鸡煲，店员问我食唔食，但我为咗想食多啲牛，所以就冇选择到食鸡煲啦！汤底呢就拣咗寿喜烧汤底，拣完就可以开始埋位，见佢成层都系属于餐厅；座位都好阔落，两个人食都可以坐四人枱，而且仲可以望到条街景添，拣嘢食就系用QR code落单所以都几方便，项目嘅颜色建议可以变一变，因为有阵时几难睇得清楚，佢入面都有唔同嘅食物有海鲜有饺子，有肉类，同埋出面都有自助区有唔同嘅炸物，甜品，沙律等，见到都好吸引，不过梗系要预留番个肚仔食高级嘅牛肉啦，去到雪柜见到有唔同嘅饮品，见到佢会有一个雪柜专雪住啲杯，等杯啤酒更加冻，真系好有心思，不过自己唔饮酒，就唯有饮下菊花茶啦！朋友今日唔系好舒服，见到有暖笠笠嘅嘢饮都觉得好舒服！佢哋话做紧个优惠，可以喺佢哋嘅四大优惠入面拣两个，不过由于自己唔食鱼又唔饮
见到有唔同价位选择，本身见到大闸蟹任食好吸引，不过我怕自己会食唔多，所以都系打返边炉就算，拣咗中间价位嘅B套餐食，本身套餐包埋一个鸡煲，店员问我食唔食，但我为咗想食多啲牛，所以就冇选择到食鸡煲啦！汤底呢就拣咗寿喜烧汤底，拣完就可以开始埋位，见佢成层都系属于餐厅；座位都好阔落，两个人食都可以坐四人枱，而且仲可以望到条街景添，拣嘢食就系用QR code落单所以都几方便，项目嘅颜色建议可以变一变，因为有阵时几难睇得清楚，佢入面都有唔同嘅食物有海鲜有饺子，有肉类，同埋出面都有自助区有唔同嘅炸物，甜品，沙律等，见到都好吸引，不过梗系要预留番个肚仔食高级嘅牛肉啦，去到雪柜见到有唔同嘅饮品，见到佢会有一个雪柜专雪住啲杯，等杯啤酒更加冻，真系好有心思，不过自己唔饮酒，就唯有饮下菊花茶啦！朋友今日唔系好舒服，见到有暖笠笠嘅嘢饮都觉得好舒服！
佢哋话做紧个优惠，可以喺佢哋嘅四大优惠入面拣两个，不过由于自己唔食鱼又唔饮啤酒，所以就选择咗点心拼盘同埋任食封门柳。点心好多样化，我最钟意就系佢嘅虾饺，皮薄得嚟入面都食到虾嘅爽口，蒸红枣糕都好够热，望一望佢哋餐牌先知原来佢哋午市有做蒸点心同蒸饭。喺出面拎咗啲响铃嚟食，非常之大旧之余亦都好脆口。
落咗单大概五至十分钟就已经送菜，叫咗三款牛肉，有封门柳，牛板腱同埋安格斯牛肉同极上黑豚肉，质素都好好，有肉味得嚟，亦都唔会有雪味，而且唔会有太多嘅脂肪，厚薄都好适中，大概滚几下就已经OK。最令我惊喜系佢嘅海鲜，虽然选择唔多，只有生蚝，沙白蚬同埋墨鱼滑，但系三样水准都好高，最令我惊喜系沙白蚬，冇沙得嚟全部都系劲大粒，仲要冇死蚬，自己都嗌咗九碟嚟食！
朋友最钟意食淀粉质，拣咗个韩国嘅辣面嚟食， 佢话最惊喜系寿喜烧嘅汤底同辣面竟然好夹！佢话从此以后爱上寿喜烧汤底！
食到八成饱就可以留肚食甜品，佢哋甜品都好多元化，雪糕都有几款我自己就食雪糕机出嚟嘅草莓同蜜糖牛奶味雪糕，仲可以自己加唔同配料，佢哋仲有杯装雪糕同埋筒装雪糕，我朋友就拣咗佢哋嘅啫喱食，本身见到有自制凉粉区，不过我食唔落，所以都系食雪糕就算啦！食完啱啱好两个钟，同朋友又可以食住火锅倾到计，唔会太赶住走，觉得很唔错，下次可以再战！
张贴
