圃公館 (已結業)

假日想饮茶，又唔想等位，最好就系去酒店叹个热茶点心。喺湾仔帝盛酒店一楼嘅「圃公馆」，占地唔算大，但环境几靓，座位舒适。呢度有单点点心同［假日怀旧小食点心放题$168］，放题已包茶钱，好似抵啲，一于食放题啦，可以试多啲款式，因为好多款点心都可以逐件点，想食一件虾饺得，想试一粒烧卖又得，好弹性！一张Order纸睇晒，有37款选择：瑶柱灌汤饺皮薄但馅少，只有少少菇、肉碎同竹笙，个汤底几清甜！笋尖鲜虾饺皮薄馅靓，晶莹剔透，入面满满鲜虾，加埋少少笋粒，好爽口！流沙奶皇包完全做到流心效果，奶皇浆甜度适中。蟹子烧卖材料好足，蟹子、虾肉同猪肉都多，精致而好味。蟹肉春卷 春卷唔脆，馅料亦少，都几油，失望！黑松露咸水角入面有一点点嘅黑松露，但味道唔太出。外皮系既松软又有少少烟韧，好好食。椒盐鱿鱼须大大份，够热够香脆，仲配左沙律酱，唔错。水煮和牛肉肠粉呢个好特色，出面好难食到。连门口都有个海报介绍。开头怕会好辣，但碟肠粉嚟到就放心了，肠粉同酱汁系分开放。肠粉入面只有和牛，牛味唔错，但牛肉少，反而肠粉好软滑。难得系个酱汁分开上，食得辣就蘸多啲，唔食得辣就蘸少少。其实唔系太辣，但个麻辣香味好正，又香又麻好惹味杨