川熙樓 (已結業)

老公同我钟意食辣 ，但是一般嘅川菜馆都比较污糟挤迫，有同事介绍位置便利， 位于尖沙咀美丽华附近嘅呢一间川熙楼 话坐得舒宽敞舒适所以今日就即刻去试。虽然我哋两个人，但 侍应生 安排四人枱畀我哋，无论系枱或者櫈都非常大， 而且抽风系统整得好好，食完都唔会一大阵油烟味。供应嘅茶水系我最钟意嘅玄米茶，凉菜方面我哋点 川椒鸡。 因为之前有睇食评推介，川椒鸡唔系个个地方都有，味道唔会太辣，鸡肉爽口，作为头盘，打开味蕾最好不过。主菜叫见咗辣子鸡丁，水煮牛肉。辣子鸡丁，一见到面层都咁多辣椒， 口水都流埋。 鸡肉本身带咸香，再加上辣椒干嘅味道， 佐酒一流。水煮牛肉, 叫咗个例牌但份量十足, 面有芽菜,瓜,底有红薯粉而且系扁身𠮶只,最为入味。 牛肉都 颇 多。蔬菜方面，我哋本身想拣四季豆，但餐牌上见唔到，于是选择了泡椒娃娃菜。娃娃菜 煮得刚刚好， 鲜嫩美味， 而且有啖汤饮， 有酸辣味。埋单六百四十蚊， 虽然有啲小贵，但系食物质素好，而且食完唔会一阵油烟味，坐得舒服最紧要。