Puppuccino (已結業)

跨湾大桥通车后发现调景岭同将军澳海旁附近有好多美食，而且唔系千遍一律既连锁门市，立时变成美食天堂。比较有情调同特色的是西餐厅，有好多有室外位置，而且可带家中狗仔一齐进食添！今日去呢间餐厅连宠物既餐牌都有，真的照顾周到！内在布置色彩配搭好鲜艳、独特，有室外室内坐位，地下仲有一层添！今晚天气不冷不热，有少少风，好适合坐外面！这间餐厅款式多样化，有前菜、小食、串烧、沙律、意粉、肉类主食、三文治等，连饮品都超多选择。好彩店员主动介绍餐厅特色菜，等我可以参考一下。店员亦非常有礼貌，值得一赞！点了烟三文鱼红菜头牛油果莎莎，估唔到有成五大朵三文鱼花花，红菜头亦好鲜甜，不过好似唔觉有牛油果？？见到西餐有麻辣手撕鸡食觉得几特别，所以一试。个人认为麻辣味唔够辣，而且有少少咸，不过份量多，旁边的蕃茄及青瓜好鲜甜，蔬菜亦好新鲜。最期待的主食出场啦，牛骨髓烤得好香，果种油脂味好正，用小匙挖出牛骨髓，再拌入意粉。加上意粉本身好creamy, 好好食😋配埋pussy foot mock tail 就好圆满啦！