Le Three (已結業)

今日同朋友黎观塘觅食，想静静食下西餐，经过呢间蓝白色招牌嘅小店，就决定入去试试。一入到去有少少惊喜，原来除左门口，𥚃面整间都以蓝白色为主调，甚至连餐枱，餐牌都充满希腊风情。点咗两个dinner set，餐汤系烟肉薯蓉汤，简单的好味道。餐饮就要咗店员推荐嘅柠檬薄荷茶，柠檬配上薄荷叶嘅独特香味，感觉非常清新，再倒入少少蜜糖味道更丰富。主菜有德国咸猪手配酸菜炸薯条，好贴心地猪手已切成一片片。猪手略为干身，但入味香口，再配上蜜糖芥末籽酱非常夹。海胆墨鱼汁海鲜意大利饭，卖相好靓。个墨鱼汁饭好够味，再拌上少少海胆一齐食，正呀海鲜配料都唔少，有虾，青口，贝柱，墨鱼仔等，非常丰富。