博多拉麵別天神 (已結業)

周四晚o既大型舞会前，小肥先与两位舞友喺其酒店附近间「博多拉面别天神」食拉面，补充定体力。喺门外等咗一阵，三口子好快就有位坐，为求速战速决，故亦懒理要分开入座。感觉上「博多」铜锣湾间分店比湾仔间大，不过食客都系围绕著中央个开放式厨房坐，餐具、酱油、茶水均为自助式。头顶同样摆放著纸巾任用。一页餐牌只有中文同日文，幸好两位外籍友人都懂得看图点菜，沟通上总算冇乜大问题。别天神套餐（$105）之饺子：跟餐o既饺子每客有四只，皮薄馅嫩，简单味佳。小龙虾蟹子沙律：同样点咗个套餐o既好友就拣咗食小龙虾蟹子沙律作小食。佢大赞用紫菜包住个小龙虾蟹子沙律黎食，效果香脆又清凉，感觉好新颖咁话。别天神套餐（$105）之豚骨汤面：汤面浓郁o既汤底甜美可口，而且一啲都唔油腻。幼幼o既面条软硬适中，两片大大块豚肉则软腍柔润，极易入口。汤料中o既香葱及云耳亦爽脆非常。吃毕肠胃实感大满足！