鉄人旨花 (已結業)

契妹返咗黎都成个几礼拜，不过因两家人都忙于招呼海外回港o既亲友，故一直都未有机会见面交换圣诞礼物。周四晚虽然小肥准备参加舞会，不过开P前都要食啲野，所以自己喺西环收咗工后，就叫契妹过黎，一齐喺附近一间门外不断有人排队o既「鉄人旨花」食个轻便o既海鲜丼做晚餐。小店处身于西环，讲真如果唔系因公事要过去𠮶边，估计都未必会试到。餐店并无花巧o既装潢，墙上展出丼物o既硬照，简单到题。木造o既合并式散座干净企理，光鲜卫生。埋位第一样当然系要睇睇个酒牌啦！眼见清酒小樽装都只系六、七十蚊樽，适逢欢乐时光两口子又点会唔饮呢？！由于细佬要赶下场，我地就每人点咗个餐厅主打o既海鲜丼，然后再分多客炸鸡。每客丼物均附送一碗面豉汤。汤品内有两只蚬，饮落都好浓甜。炸嫩鸡（$38）：金黄色o既炸鸡热辣香脆，爽中带嫩，$38真系抵食。火灼丼（$158）：火灼丼一反传统地以透明玻璃碗呈上，离远真系有啲似一瓶靓花摆设。丼底o既白饭粒软润饱满，饭面灼过o既海鲜有三文鱼、北寄贝、带子、鲍鱼仔、蟹拑等、款色及带黎o既口感都极为丰盛，简单淋上豉油食用整体已够鲜美。小本经营o既「鉄人旨花」餐店面积虽则唔大，但胜在菜式贵精不贵多，主打