橫街窄巷

营业中

休息中

.用餐日期： 2023年1月 午餐位于工厦入面既cafe小店，一出lip仲以为自己去错地方，点知入到舖头原来别有洞天，餐厅唔大但装潢几雅致，即刻觉得自己文青左。店内座位唔多，仲有少量系吧枱位，采用开放式厨房，但油烟味唔大。旁边设有冷热水比客人自助享用。《+$20 跟餐 牛肝菌松露杂菌浓汤》⭐⭐⭐一入口feel到个汤好浓，好手工既感觉。蘑菇蓉好多，好细粒，饮落会有D颗粒感，松露味又唔会太重，唔会成阵石油气味。《$78 蒜片白酒汁鲜蚬扁意粉》⭐⭐⭐⭐⭐呢个价钱餐厅比左15-20只蚬，真系好良心，蚬肉只只饱满冇沙，咬落啖啖肉，又弹又juicy。用左白酒僻腥，仲有蒜片牛油汁，牛油超香又唔会太重蒜味，食完个碟底唔会好多油，高质之选。《$78 菠菜忌廉汁烟三文鱼杂菌扁意粉》⭐⭐⭐⭐其实餐厅煮既意粉都偏硬身，朋友就话岩岩好，都要睇番个人口味。烟三文鱼冇咩特别，都系超市买到果种，菠菜忌廉汁超creamy，意粉都好挂汁，好食但相比起蚬肉意粉就普通一点。总括而言，收费合理，食得出食材高质，每一part都好有心机去做，算系良心小店，推荐各位可以一试。人均消费：$150环境：8/10食物：9/10服务：8.5