番茄師兄

营业中

休息中

朋友见依间好多人推介而且佢都好钟意食蕃茄嘅 就叫我陪佢去食 睇下系咪咁正🙈一去到佢同其他啲舖头嘅感觉都唔同 比较新颖啲 而且简洁 lunch time去都几爆下 都几好多人食睇咗阵Menu见到选择都几多元化 连面嘅种类都最少有四种 啱晒唔同口味嘅人豚豚圆圆简左拉面 仲加左炒蛋同芝士 蕃茄汤底个汤底好浓郁 蕃茄味浓之余仲有啲牛嘅香味 芝士捞埋落啲汤入面 令到个汤底升华到另一个层面 正到爆 炒蛋好香蛋香味 猪颈肉同猪腩肉份量都几多下 一贝子简左米线 加左炒蛋同芝士 鱼汤个汤底系鱼汤 虽然佢冇蕃茄汤咁鲜式夺目 但依个汤底都唔差 鲜甜嘅味道🤤 半溶嘅芝士捞埋个汤到 都唔会抢左对方嘅味道 材料方面都好丰富呀有花蚬同带子 花蚬冇沙而且好鲜甜 带子都好大粒 都几肥美 另外我见到佢枱面有啲配料 有樽麻之一滴 贪得意就加左啲落碗面到 饮左啖汤先 哗左声 第一啖饮落系麻香味 之后佢令到个鱼汤更加出色 麻辣中带点鲜味 正 钟意食辣嘅都可以试下小食方面麻香瑞士汁鸡翼平时食瑞士鸡翼食得多 今次依个麻香瑞士汁鸡翼同平时个啲唔同就要试下 鸡翼整得好入味 麻辣得黎都好易入口 我朋友唔食辣都食到 食过番寻味🤤脆皮墨鱼虾