Little Vegas

营业中

休息中

话说有朋友话想嚟呢度食野嘢，咁我见到个环境又几特别咁，就嚟左试下~去到时系楼下排队等左好耐先入到lift，如果book左位，最好预早十几分钟嚟等lift喇，咁唔系一定会迟…😂一入到黎已经俾店内环境吸引左，装修好特别、好靓，好有嘉年华feel，好缤纷，个感觉好开心。(〃'▽'〃) 焗大啡菇好香好好食，唔会焗得太干，食嘅时候仲有好多水份系入面。明太子天使面口感好creamy，系有少少腻，唔可以食太多，同人share就啱晒喇！小食拼盘炸得啱啱好，炸粉唔太厚，每一款口感都好好。半份猪肋骨呢个猪肋骨真心赞，个味道ok。但最想赞系佢可以叫半份，如果两个人嚟食，但又想食多几样嘢，呢个叫半份就真系啱啱好，餐厅有呢个安排系非常贴心，同好加分！我谂呢度比较扣分，系楼下等lift等得比较耐，同店员反应比较迟缓咁，唔似特别醒目𠮶种。同埋楼底矮，一多人时就会好嘈。so far其他都不错。价钱呢，以香港区嚟讲算系比较便宜，每一款菜式都唔算好贵，绝对值得一试。