大壹燒鵝 (啟田大廈)

营业中

休息中

今日喺蓝田做完嘢，直接揾埋食，见到呢间餐厅有个$288 三𩠌一汤加白饭嘅二人餐真系好鬼抵。首先佢个汤好足料，有肉有瓜，系平时饮开嘅老火汤，将所有材料嘅精华就放晒喺呢个汤入边，本人觉得佢应该冇乜货味精，因为饮完都唔会太颈渴。另外我哋嗌左一海鲜一个肉加一个菜，海鲜方面就嗌咗个椒盐鱿鱼，炸得非常香脆，外脆内软，鱿鱼亦都系非常之鲜甜。烧味方面就拣咗豉油鸡同埋叉烧，豉油鸡非常之入味，肉质好嫩滑。叉烧仲要系半肥瘦，睇得出佢系仲梅头去整添，真系送饭一流。最后带咗个西兰花炒虾仁，虾仁非常之弹牙，另外西兰花亦都好爽脆， $288再加多两杯嘢饮真系抵到笑。