Lex Coffee (已結業)

嚟到坚尼地城嘅lex coffee，佢哋嘅装修好靓，陈列左好多不同艺术家嘅作品，好似入左间艺术馆。龙虾意大利饭：意大利饭火候控制得宜，饭身软硬适中，用左浓郁鲜味嘅龙虾汤煮制，带有浓郁鲜味，而饭面上仲有一只开边香烤龙虾，肉质爽口弹牙，鲜味十足。安格斯高级肉眼牛扒：牛扒肉味浓郁，肉质嫩滑，油脂香气四溢，表面更带点焦香，令味道层次变得更丰富。伴碟嘅仲有香烤原只蒜头同埋黑松露薯蓉，黑松露味道好突出，而薯蓉口感绵滑，会一食上瘾。意大利芝士饼：卖相精致，影相打卡就最啱，而佢哋用上浸泡左咖啡酒嘅手指饼，再加埋质感软滑轻盈嘅Mascarpone芝士。表面再铺满浓郁香味嘅可可粉。口感轻盈，味道丰富，甜度适中，蛋糕中嘅酒同埋咖啡香味扑鼻而来。