賞茶 (已結業)

系荃湾广场食完晚饭，见时间尚早就黎赏茶买嘢饮，都几多人黎买，所以都要排阵队，不过落完柯打都唔算等好耐，同埋店员妹妹都几有礼貌，笑容可掬，值得一赞！不过头先晚饭真系食太饱，最后决定放弃珍珠奶茶，惊饮唔哂，转买芋圆仙草冻返屋企做宵夜甜品芋圆仙草冻夏日炎炎，本身担心碗野拎到返屋企会唔够冻就无咁好食，点知都仲凉浸浸，正好可以帮手降温～而且都几足料，超多珍珠同仙草，劲正！啲珍珠有咬口，够QQ，好味～芋圆大大粒，烟韧弹牙，唔会软淋淋，有返啲咬口！平时出面啲糖水铺啲芋圆有啲个口感真系好差架嘛～而且我又好怕有时出面啲铺头食亲芋圆都一定比成碗糖水黎，甜到腻架嘛～ 但呢个又唔会太甜，真系岩岩好，食到有甜味但又唔会食到你个口好漏，值得推介！