Mango X'press (已結業)

今日出左尖沙咀行街，肥妹女友突然拉我快步走，心谂条友唔通见到前度定见到仇人，原来系佢见到呢间Mango X'press双眼发光，去到佢已经谂好食咩同饮咩，条友肯定成日黎帮衬，我睇左轮，芒果奶茶几得意咁，叫左个黎试下，肥妹女友就叫左个香辣蒜香鸡同苹果雪梨茶芒果奶茶都几特别，奶茶带有淡淡嘅芒果味唔会好甜，有啲星星粒啫喱同椰果咁，几有咬囗苹果雪梨茶都几清甜，底下有啲经过制作嘅苹果肉，略甜，肥妹女友饮左啖又饮我果杯一啖之后，即刻牛咁眼望住我果杯，梗系啦，我果杯对比下好饮啲，但我系唔会比佢饮嘅跟住就系香辣蒜香鸡，呢个又真系几出乎意料，其实隔离舖就系豪xx鸡扒，点解唔食隔离要喺度买，除左佢唔同豪xx一种味之外，呢度用左香葱，香料，香蒜同辣椒，成件事好惹味，鸡肉入味之余嫩滑唔干身，配埋啲香蒜食就系好醒胃，一碗有成十几蚊，过囗瘾一流