甜椰坊自家制甜品專門店 (已結業)

次次嚟亲甜椰坊都系食同椰子有关嘅甜品，慢慢咁都忽略咗其实佢都系一间普通嘅甜品店，仲有其他甜品食嘅....夜晚行街行到已经过咗饭点啦，肚饿嘅感觉完全无晒，但系又觉得唔可以空腹唔食野，啱好附近有甜椰坊，就嚟食啲甜品补翻数啦！单睇个店面其实唔算好大，环境唔错。不过menu上边都几多野拣嘎，特别我最钟意嘅芒果系列甜品，班戟同小丸子一定要试！！！净喺睇图片就觉得唔错，而且价钱都唔算太贵。芒果加小丸子嘅搭配，再加埋雪糕同埋少少粟米片，芒果略酸，小丸子本身系无味嘅，不过同埋雪糕、芒果一齐食味道ok~~ 芒果班戟，只能够讲同一般甜品店嘅班戟差唔多。不过班戟入边嘅芒果都算俾得比较多，仲有就系好多cream！心太软，戒开少少入边啲朱古力酱就会自己流出嚟，食得多都唔会觉得漏...