BAKE Cheese Tart (已搬遷) 新店位置

今日无意中喺sogo超市见到呢间卖芝士挞出哂名嘅舖头。就算系平日，四点钟，超市都布满人，又多食物档位排到密密麻麻。位于超市入面 故然大哂蛇饼！不过喺混乱中见到店前面得几个人排，以为终于可以好快食到啦，点知先发现有个坐牌写住'要跟住箭咀行去另一面嘅排队署排队'' ，而个地方就系楼梯口，行几步就到！（ 指示不足，见到好多人都好无助唔知应该边到排）好幸运地见到楼梯得近10个人排，所以本人觉得值得，应该唔会好耐，所以就排咗近20分钟。每个人排队，职员会派一张号码牌，之后每8至10个人会被带回店面买芝士挞。一张号码牌代表可以最多买12只，而且所有只供外卖。所以如果同朋友一齐排队，职员会问您12只够唔够，如果唔够会俾够张您。而被带到店面外，要再排多大约15分钟，最后终于拎到我6只芝士挞。＄ 20/只；＄110/6只。 半打明显抵啲！食后感:本人隔咗几个钟后 冇放入雪柜，即日食，觉得芝士挞味道真实，唔同其他芝士挞有种假假嘅味道，又唔过浓/甜，味道刚好！外脆内软，流心唔会太稀，啱啱好！最紧要食完都唔觉好漏钟意食芝士嘅朋友会钟意！相比其他市面上嘅芝士挞略胜一筹，但价格略贵。本人对芝士兴趣一般 但都觉得值