吉野家 (已結業)

夜晚食吉野家，紧系要打边炉。我最钟意佢嘅芝士竹轮锅，不过睇餐牌先知原来佢已经冇咗以前50几蚊𠮶种火锅，得返$72嘅芝士竹轮锅，不过啲𩠌就多好多。以前净系可以拣牛肉或者鸡肉，而家就两款肉都有，仲有三旧芝士竹轮。佢啲牛肉嘅份量都几多，但系个人认为有啲太肥，相反鸡肉又太瘦。其他配料就同以前差唔多，有南瓜、粟米、豆腐、蟹柳、金菇、冬菇、豆卜同埋菜，样样𩠌都同浓汤好夹，好好食。虽然啲肉嘅质素麻麻地，但系呢间分店有好多位，又唔会好迫，落单同出菜都好快，而且啲店员周不时会帮你收起啲碟，个人认为系唔错嘅分店。