半熟工房 (已結業)

开业唔系好耐，已经有一大班人去左潮圣，每次经过半熟工房都见到一条大长龙，虽然一心想去试下，但又怕太晒时间！今次，终于比我见到条龙短短地，就即刻上前去排～唔洗一两个就到我～不过原来大家排紧既系抹茶味！芝士挞可以直接行去买XD 可能芝士热潮过左，依家多人买既系抹茶，但我始终对芝士从一而终，想食左咁耐，就紧系要好好品尝～～专门店仲有半熟芝士蛋糕～环境干净整齐，就系等得比较耐～ 系网上睇过太多报导讲芝士挞喇~虽然依家市面都有好多芝士挞，但依间芝士挞专门店，总觉得佢地原创啲，有非试不可既理由～HAHA有个纸袋装住，拎上手已经充满香浓既芝士味啰～～流心半熟芝士挞，食第一啖，已经有种幸福满泻既感觉～～咬落去既口感好似豆腐，味道有奶酪同浓烈既芝士味道，软熟得黎，再加上香脆饼底，确实想一食再食～～不过食左一个都会几饱济，不过比芝士味觉充满全身，感觉真系好幸福～～>_<