蛋記

营业中

休息中

买完手抓饼，旁边就系蛋记，顺便食埋。本来仲有空间试下另一间做下比较，但另一间写住放假数天。店内挂住呀苏个样，个人对佢冇乜特别感觉，所以唔系重点。普通鸡蛋仔就15蚊，不过见「店长推介」呢款即管试下。见好多人都话有个呀叔态度唔好，不过我当日就冇遇到，系个呀婶整嘅，态度冇乜特别。芝士鸡蛋仔 $20个样就整得几靓，滑滑溜溜好完整。作为鸡蛋仔就蛋味有点不足，相对甜度就冇咁高；芝士味薄弱兼唔太平均，有啲食到有，有啲就冇芝士味。不过蛋记嘅鸡蛋仔，真系几脆口，称得上外脆内软。以廿蚊而言，呢个价钱咁嘅质素则有啲贵，性价比唔高。