米走雞Deluxe (已搬遷) 新店位置

约咗朋友gathering，拣咗去铜锣湾揾食本来book咗间餐厅，因为赶唔切，所以唯有揾过第二间🤔揾附近餐厅嘅时候，发现咗呢间「米走鸡Deluxe」而咁啱我同朋友都未食过鸡煲咁就决定食呢间喇！上到去可能太早，唔算好多人，而且一入去就有位。呢度有2款鸡煲可以拣，其余就系普通打边炉汤底另外有张点菜纸就有打边炉料可以拣。因为朋友唔食得辣，所以就拣咗芝士鸡煲身为芝士怪嘅我就拣咗激量🙈拣完之后，店员就拎咗酱料篮过嚟，都系平时打边炉有嘅酱料，例如葱，生蒜，干蒜，红辣椒之类过咗一阵，个鸡煲就上枱喇个鸡煲系要按店员指示先可以打开盖同埋食嘅时候系唔可以搅啲芝士，如果唔系，啲芝士喺煲底系会㶶嘅。由于太多芝士，所以食食下啲鸡变得好咸，我地就叫咗一渣竹蔗茅根水，食鸡煲食到尾声，店员会主动加清汤俾你打边炉，亦可以加芝士，我地当然拣咗加清汤。见到枱枱都叫咗响铃，所以我地都叫咗一客响铃用嚟打边炉，响铃每条都劲大条，一篮有6条。两个人卖单大概400蚊度后记：其实食完鸡煲，已经有啲饱。所以如果2个人食，唔太大食嘅话，就唔好叫咁多嘢喇，咪做大嘥鬼😜另外，就算你用唔用酱料，都要俾酱料费架，同埋平时对芝士无咩热爱嘅人可以拣返