膠得喜 (已結業)

朋友介绍我去呢间胶得喜餐厅，话佢哋煮嘅花胶无得顶，而且款式创新，一于试试佢。首先系螺头淮山杞子花胶炖鸡，闻落去已经好香，饮落去第一啖就哗咗出声，鲜甜到不得了，花胶吸晒螺肉同鸡嘅味道，真材实料。花胶浓汤鸡㷛，虽然无咗第一个汤嘅清甜感觉，但多咗一份浓浓嘅鸡味，花胶份量绝不马虎。胶得喜捞虾子面，虾子面都食得多，但系用花胶做配衬就真系未食过，感觉几招积。首创盐酥花胶，有咁嘅整法真系未食过，感觉都特别，而且唔会太咸。最后加多两碗糖水。